تغطي يا بنت ..[عيب] .. هذا سعودي !!

تغطي يابنت هذا سعودي!!
طيب ليش ليش ؟؟؟

الموضوع صريح ويتحدث عن واقع نعيشه

وهنا بنقل لكم بعض المشــــاهد

المشهد الأول
^^^^^^^^^^^
فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال زيه زي اللي دخل وغطي يا بنت سعودي.

المشهد الثاني
^^^^^^^^^^^
إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

المشهد الثالث
^^^^^^^^^^^
بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وغطي يا بنت سعودي.

المشهد الرابع
^^^^^^^^^^^
مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي طلع سعودي.

وغيرها من المشاهد كثيررررررررررررررررر

طبعا كل المشاهد بمباركة الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .....

قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب

معليش شباب وبنات هذا الواقع اللي عايشين فيه ...

المشكله والله ..( سوري + لبناني+مصري)عادي مولازم تغطي هذا أجنبي ( سعودي) ياخراشي والله سعودي تغطي يابنت الناس

فـ/ مــآهو الســـــبب ؟ بكل صرآحـــه

الدكتوره

اعتقد هذا السؤال للبنات اللي يقدروا يحاوبوا عليه اذا مو قادره تجاوبين عليه دقي على ماجد عبدالله(هههههههههههههههههههههههههه) والله يااختي الاسباب كثيره بس بذكر سبب واحد

صخلة الفريج ماتحب الا التيس الغريب ,,,,,,, يكرمون القراء
اخوكم.............. العمده

والله هذي اللي صاير الاجنبي عادي مايتغطون منه بس السعودي لاتغطي عنه وهذا التصرف مرفوض وانا اشوف السبب البنت نفسها يعني حتى لو الاب ماتكلم البنت لازم تكون محتشمه من سعودي او أجنبي .

العمده مالقيت الا هذا المثل بس حلو جبتها على الجرح ...........

الدكتورة أنا اعتقد الاجابه الواضحه عندكم انتوا يالبنات ..............

موضوع جميل ..

مع ان الموضوع مختص بالبنات لكن انا لي وجهة نظر بالموضوع راح أطرحها

عاداتنا وتقاليدنا ومجتمعنا المحافظ له دور كبير في هالظاهرة واعتقد ان هناك طرفين لهم دور رئيسي

أولاً البنت تكون فكرة وإنطباع ان الشاب السعودي كالذئب المفترس وانه بمجرد الاقتراب منه او التحدث إليه حتى لو لطلب مساعدة راح يضر ماينفع

وأن الشاب الاجنبي متعود على التحدث مع النساء في بلده فـ البنت تتجه له لأن في فكرها الاجنبي شايف خير وماراح يضرها

ثانياً الشباب السعوديين فيهم نسبة كبيرة يغازلون يعني ممكن إحتكاك البنت معه ممكن يسبب شيء فظيع خاصة مع كثرة المشاكل والبلاوي اللي نسمع فيها

ولأن الشاب الاجنبي راح يكون خايف على وضعه ووظيفته وانه في بلد مو بلده راح تكون عنده أسباب كثيرة تمنعه من القدوم على عمل مسيء.

ولي إضافة بسيطة واللي اهي ان حتى الشاب السعودي يخجل من محادثة البنت السعودية على عكس ذلك يتحدث بكل أريحية مع البنت الأجنبية ... فعلاً شيء غريب

إعذروني على الإطالة وأشكرج على الموضوع اختي الدكتورة

لكن من وجهة نظري سواء كان سعودي ولا اجنبي شرعاً مايجوز التحدث
مع الاجنبي من غير ضرورة مثل بعض البنات لمن يرحون السوق يطيحون الميانه
مع صاحب المحل ويجادلون وياه على السعر ولا يفتحون الغطى عن وجههم وكل هذا عادي

عدا عن ذلك االاب ولا الاخ ولا الزوج لمن تتكلم المرأة جنب عامل اجنبي عادي
عندهم وبس تتكلم مع واحد سعودي يقولون لها سكتي ويتكلمون اهم عنها
وهالحركة سعودي تغطي وهندي لا / اعتبره تناقض في شخصية الفرد
أما انها تتغطى عن الكل أو لا تتغطى لأنهم في النهاية رجال

الدكتورة لكِ بصمة رائعة في طرح المواضيع
الله يعطيك العافية