قصيدة فكاهية ..... حوار بين شايب وعجوز

قصيدة ولا اروع ,,,, شايب يصارح زوجته العجوز
بأنه يبي يتزوج عليها ولكن المفاجئة في رد العجوز ,,,
يلااااااا نشووووووف

الشايب
قلبي شباب ولازم إني أعرس..ما ابي العجوز اللي توسد على الباب
الخير واجد وانا ماني مفلس..عندي فلوس تدعم البنك في حساب

العجوز
ما باقي منك غير خشمك وهالضرس..تبى تعرس وانت وجهك شبه الغراب
قابل صلاتك الله يشفيك من المس..وإلا ترى باطب وجهك بالتراب

الشايب
انتي عجوز وأكلك الروب والخس..اما انا ما أكل غير تكة وكباب
ما فيني سكر غير ضغطي نازل بس..دام الهوى فيني ترى كل شي طاب

العجوز
لا بارك الله فيك يالشيبه يالنحس..ما تجيبك الرمسه ولا يجيبك عتاب
قصرلي صوتك ماابي اسمع ولا حس..عطني طلاقي وانقلع واقضب الباب

الشايب
دومك نحيسه وذا لسانك يبيله قص..ربي ترى حلل لي اربع بالكتاب
هذا خميس الاعمى جارنا كم وحده اعرس..مرتاح بالدنيا بلا هم واعصاب

العجوز
بطران وراسك كالصخر يابس وعص..مالوم طبعك يوم ربعك هالكلاب
صاير زي الاريل ودومك اتحيس..استح على وجهك اصلع ولعاب

الشايب
فكيني من وجهك ترى مالي اي نفس..زهقان من شوفك وابقالي احباب
هذا طلاقك طالقة بالاربع والخمس..شيلي طلاقك من ضميري بلا حساب

العجوز
مشكور يا الشايب ومن دون اي دس..عندي حبيب ماابتعد لحظه وغاب
يشريك ويبيعك تراه ابثمن وبخس..ماتسوى ظفره وهو حلو اسمر وجذاب

الشايب
يالله قبل لا اموت منك واقتص..طلعتي لي قرنٍِ وراسي بعد شاب
ياشينه البرقع ترى قدرك اختس..عجوز ولك في الدنيا خلان واحباب

العجوز
مثلك تراني وهذا لك في العمر درس..لاني اميز بين شيبه وشباب
وإلا نسيت اني على الموضه اللبس..ماعلموك اني بلا شيله وحجاب

اتمنى ان تنال اعجابكم