°·.¸.•° عنق الزجاجة °·.¸.•°

عنق الزجاجة

ينجلي ليـل وأنـا حبيـت داجـه
في صباح هز غصـن الياسمينـي

لا انتشى صبح الغلا وأرخى حجاجه
ينمحي هم علـى صـدر الحزينـي

ول ياليـل الهجـر مثقـل مزاجـه
يعـل مثلـه مايعـود ولايجيـنـي

والنصيب اللـي تعذرنـي رواجـه
هو سبب فرقـاك ياحلـم السنينـي

يـا معودنـي بحبـك واندمـاجـه
في عروقي في ضلوعي وسط عيني

والكريـم يصيـر ذلـه بانحراجـه
وانت حطمت الاماني مـن يدينـي

في امـان الله والـدرب ازدواجـه
مفرق الدروب بقت لـه خطوتينـي

يمكن احنا عقـب هـذا مانتواجـه
خـل راحاتـك تـوادع راحتينـي

كثر ماواجهـت قلبـي واحتجاجـه
كثر ماقدمت روحـي فـي يمينـي

كثر ماقتلت السعادة فـي ابتهاجـه
طعنتيـن وطعنيتيـن وطعنيتيـنـي

ليين ما اخرجته مع عنق الزجاجـة
والتعب يكتب نزيفـه فـي جبينـي

مابقى لك في عذاب القلـب حاجـة
خليني للريـح واطلـق ساعدينـي

والعذاب الي بنـى بكفـك سياجـه
هو سبايب ماحصل بينـك وبينـي

انت متعـدي الـي حـد السذاجـه
تخطي وترجـع وترجـع تنتخينـي

دام صار الحب في عينك سماجـه
شـوف درب لاخذيتـه مايجينـي

انـت متعـاوج وودتـك العواجـه
لين ضاعت من يديك احلى سنينـي

°·.¸.•° عنق الزجاجة °·.¸.•° 48f2573c9e